Union Minister of State for Law & Justice Shri Arjun Ram Meghwal in Mamit tlawh, hmalakna thir ho a ni
Vawiin khan Union Minister of State for Law & Justice Shri Arjun Ram Meghwal chuan Mamit tlawhin Sawrkar department hotute nen department hmalakna an thlir ho. Union Minister chuan Mamit district chu Sawrkar Laipuiin Aspirational district a a puan chhan hriat a tul thu sawiin district hmasawn leh changkang zawk a nih theih nan hmalak zel a ngai a ni a ti a. Central sector leh centrally sponsored schemes department-in a kalpui te thlir hoin department hotute chuan Sawrkar Laipuiina a chhawpchhuah hamthatna hrang hrang chu a dawngtu tur mipuite hnena a thlen ngei theih nan awareness kan uar a tul a ni a ti.
Pu Arjun Ram Meghwal chuan harsatna department in an tawhte leh an hmachhawp te chu Sawrkar Laipuiin theihtawpa hmalak pui a tum thu a sawi bawk. Vawiin hun hi Pu Suvigya S Chandra, DC Mamit chuan kaihruaiin department hrang hrang hnuaia central leh centrally sponsored schemes kalpui te thlir hona neiin Mamit distirct hmasawn nan leh mipuite lo than zel nan theihtawpa hmalak zel a tul a tarlang.
Vawiinah hian Sawrkar department hotute chuan Union Minister hnenah an hmalakna te hrilhin hmasawn theih dan sawi ho a ni bawk.
