Mdoner secretary sanjay jajua’n thenzawl-a project kalpui mekte a tlawh
Vawiin khan Ministry of Development of North Eastern Region (M-DoNER) Secretary, Shri Sanjay Jaju, IAS chuan Thenzawl tlawhin, he biala project pawimawh hrang hrang kalpui mekte a hmunah a enfiah.
Secretary hian Thenzawl Peace City (Greenfield City development) hmun te, Khankawn atanga Rongura Hmun inkar kawng (11.60 km) siam mek leh Thenzawl-a Heliports/Helipads dinna tur hmunte a tlawh a, heng hmunte a tlawh zawh hian Thenzawl Golf Course-ah Review Meeting nei leh niin project proposal tharte leh M-DoNER hnuaia project kalpui mekte hmasawn dan thlir ho a ni.
Vawiin hun hmanna-ah hian Pu Sanjay Jaju hi Aizawl atangin Department hrang hrang hotu liante – Planning, UD&PA, Horticulture, PWD, Tourism department te bakah Serchhip District Deputy Commissioner leh Superintendent of Police ten an tawiawm a ni.
