Chief minister leh union minister inkawm

2 weeks ago Sonakshi Sarkar

Vawiin khan Chief Minister Pu Lalduhoma chuan a Bangla-ah Mizoram tlawha lo zin mek Pi Nimuben Jayantibhai Bambhaniya, Union Minister of State for Consumer Affairs, Food & Public Distribution chu a kawm.

Chief Minister hian Mizoram tlawha a rawn zin avangin lawmthu a hrilh a, hlim taka hmun hmang tura duhsakna hlanin Mizoram tana thil pawimawh pali a sawipui a, chungte chu:

Open Market Sales Scheme (OMSS) hnuaia buhfai tam zawk lei phalsak chungchang.
OMSS atanga lei a rem loh pawha Bharat Rice atanga lei phalsak.
NFSA Mizoram rice allocation Quota tihpun chungchang, leh
Central sector scheme awm thin, ‘Storage & Godown’ tihnun thar leh chungchangte an ni.

Union Minister hian Chief Minister thusawite chu a lo bawhzui tur thu a sawi a. Mizoram chu mawi a tih thu leh nuam a tih thu Chief Minister hnenah hian a sawi bawk.

Chief Minister hi Pu B. Lalchhanzova, FCS & CA Minister leh official pawimawhten an tawiawm a ni.