Sahkar Se Samriddhi Kharna Hun Nei
India hmarchhak a Cooperative Societies te tana workshop (zir hona), ‘Sahkar se Samriddhi’ (Thawh hona hmanga hlawhtlinna) chu nimin khan Assembly House a Conference Hall-ah a kharna hun hman a ni. He zir hona hi Ministry of Cooperation (Government of India), NABARD leh Cooperation Department (Government of Mizoram) buatsaih a ni a, India hmarchhaka Cooperation Secretary-te leh Cooperative Societies a Registrars te an tel a ni.
Ministry of Cooperation Secretary Dr. Ashish Kumar Bhutani chuan north-east region in harsatna a tawh bikte hre chung zela hma lak a pawimawh thu a sawi a, state tin atanga kalkhawmte chu an hmalakna kawng hrang hrangah National Cooperative Development Corporation (NCDC) tanpuina hmang tangkai turin a fuih. India rama cooperative bank te pui turin sorkar laipui chuan Sahakar Sarathi (rural area tan) leh National Urban Cooperative Finance and Development Corporation (NUCFDC) (urban area tan) a awm tih a sawi bawk.
Chief Secretary Pu Khiili Ram Meena pawhin thu sawiin cooperative sector chuan Mizote nunah nasa takin hna a thawk a. Mizoram chu India rama a hmasa pawl ni turin Registrar Society Office chu a computerize vek tawh a ni a, Primary Agriculture Cooperative Credit Societies (PACS) 24 te pawh computerize tawh niin, 75 dang te chu computerize mek an ni. Mizoram sawrkar leh cooperative sector te chuan Bana Kaih hmangin kawng hrang hrangin hna an thawk ho tih a sawi bawk
Pu Udit Prakash Rai, Cooperation Department Commissioner leh Secretary chuan lawmthu sawina in he hun hi a khar a ni.
