RD&AD Minister hovin Annual Review Meeting of Rural Development Schemes neih a ni
Vawiin khan RD&AD Minister Prof Lalnilawma chuan Planning Department Conference Hall, Aizawlah Rural Development (RD) Scheme hrang hrang hnuaia kum liamta chhunga hmalaknate thlirletna (Annual Review Meeting) chu khuallian niin a hmanpui.
Prof Lalnilawma chuan thu sawiin sawrkar hmalakna hrang hrangte chu mipuite nun dan (livelihood) nena inhne rem thei ang bera duan leh hlenchhuah a tul thu a sawi a. Sawrkar laipuiin ram hmasawnna tura thil thar chi hrang hrang a kalpui rualin Mizoram pawhin ke a pen ve a tul a.Sawrkar hnathawkte chu an hna taima tak leh fimkhur lehzuala thawk tura fuihin, sawrkar hnathawkte leh department hrang hrang te pawh tun aia tha lehzuala thawkho tur in a chah bawk. Minister chuan kalkhawmte leh mipuite chu kawng engkimah sawrkar finchhuah a, inthlahrung hauh lova an ngaihdan leh rawtnate thlen zel turin a sawm bawk a ni.
Vawiin thutkhawm hi RD&AD Commissioner & Secretary Pu R Zarzosangan kaihruaiin, kalkhawmte a lo lawm a. Rural Development hnuaia hmalakna hrang hrang te leh thupui pawimawh bik : VB-G RAM G te, MGNREGA te, VVP – II te, RGSA te, DDU-GKY te, SIRD & PR te, PMAY-G te, NRLM te, PMKSY-WDC te, Social Audit Unit hmalakna te, 15th Finance Commission chungchang te leh Supreme Court in Solid Waste Management chungchanga order a chhuah chungchangte PowerPoint Presentation hmangin zir leh enho a ni a. Serchhip Project Director leh Tlabung BDO te hnen atangin an huam chhunga MGNREGA kalpui dan ngaihthlak a ni a. RD block hrang hrangte hmalakna sawihona leh zawhna leh chhanna hun hman a ni bawk.
