MP (Lok Sabha) Pu Richard Vanlalhmangaiha’n sawrkar laipui a dawr
Vawiin khan Member of Parliament (Lok Sabha) Pu Richard Vanlalhmangaiha chuan Union Minister pahnih – Union Culture Minister Pu Gajendra Singh Shekhawat leh Environment, Forest and Climate Change Minister of State (Independent charge) Pu Kirti Vardhan Singh te a dawr.
Union Culture Minister hnenah hian MP Pu Richard Vanlalhmangaiha chuan Mizoramin Tagore Cultural Complex a neih theih nan hma lak sak turin a ngen a. Union Minister hian inkaihhruaina (guidelines) ennawn mek a nih thu leh guidelines thar cabinet-in a pawm hunah, Tagore Cultural Complex chu Mizoramin a neih ve ngei theih nan hma a lakpui tur thuin a lo chhang a ni.
Vawiin vek khan Pu Richard Vanlalhmangaiha hian Environment, Forest and Climate Change Minister of State (Independent charge) Pu Kirti Vardhan Singh pawh a office-ah a hmu a. Mizoram Tribal Area, Dampa Tiger Reserve te leh hmun dang danga compensation lak tur la tangkhang te chu a nih dan tur ang taka lak a nih vat theih nan leh RFCTLARR Act. 2023 innghah nana hmang a, compensation te hi pek an nih ngei thei nan hma la turin a ngen a. Minister pawhin theihtawp a chhuahpui tur thu a hrilh a ni.
