MLA Er. H. Ginzalala’n Hnahlan PHC X-Ray Machine hawng
Vawiin khan Er. H. Ginzalala, Champhai North bialtu MLA leh Adviser to CM (Technical) ni bawk chuan Hnahlan PHC-a hman tur X-Ray Machine a hawng.
He hun hi Pu C. Lalrintluanga, Hnahlan VCP chuan a kaihruai a. MLA chuan X-Ray Machine hawn a nih avangin lawmthu a sawi a, he khawl pawimawh tak hi Hnahlan leh a chhehvel khua ten ṭangkai taka an hman a beisei a ni. Damloh nikhuaa X-Ray ti tura Champhai pan vang vang ngai tawh lova helai hmun a chhawp hnaih a ni chu hmasawnna ropui tak a nih thu sawiin, he khawl an neih theihna tura tha leh zung sengtu zawng zawng te chungah lawmthu a sawi bawk. Ramri hrul a awm an nih avangin Hnahlan PHC chu tih changtlun a ṭul hle thu a sawi a, PHC mamawh hrang hrang bakah thil dang ṭangkai tur te neih belh zel a nih theih nan theihtawp chhuah a ṭul thu a sawi bawk.
He hun hi Hnahlan a NGO hrang hrang te leh Khawtlang hruaitu te chuan an hmanpui a ni.
