Mizoram GST khawn a pung
Ramchhunga state hrang hrang Goods and Services Tax dinhmun tarlanah Mizoram GST chu nikum 2025 March thla chhunga khawn aiin za zela 39 in a pung.
Ministry of Finance tarlan danin India ram chhiah khawnna atan July 2017 aṭangin GST hman anih hnuah rampum huapa GST khawn chu a pun belh zel a, nikum 2025 March thlaa GST nena khaikhinin a punna chu za zela 8.8 a ni a, India ramin kumin 2026 March thla chhunga GST chhiah a khawn zat chu cheng vbch nuai 2 chuang niin kumin February thla khawn zat cheng nuai 1 sing 8 sang 3 zaruk pakua aiin cheng vbch sing 1 sang 6,455 in a tam zawk a ni.
Ministry of Finance tarlan danin nikum September 22 ațangin Goods and Service Tax (GST) chhiah thil chi hrang 375 ah tih hniam a ni a. In chhung bungrua leh khawsak relna chi hrang hrang aṭanga motor lam chi thlenga GST rate hi tih hniam leh thil ṭhenkhat phei chu chhiah lak lohna rate 0% a tih hniam a ni.
Sawrkar tangka kum kalta kum 2025-26 chhung khan Mizoram GST khawn hi a tlahniam nasa hle a, kumin february ah -24% niin January ah 0% a ni a, sawrkar kum kalta chhung khan GST khawn hi kum 2025 August leh September bakah kumin January leh thla liama March thla tih chu a Minus vek a ni.
