Mizoram Cleanliness Competition 2026 inbuatsaihna kal mekah Lawngtlai khawpui chhungah Hnathlâng rûnpui neih a ni
Mizoram Cleanliness Competition 2026 – inbuatsaihna kal mekah vawiin khan DC,CYLA leh VC hmalaknain Lawngtlai khawpui chhunga veng hrang hrangah hnathlâng rûnpui neih a ni a. Bawhrsap Pu Donny Lalruatsanga chuan hnathlâng thawkte tlawh kualin, CYLA hruaitute leh MJA Lawngtlai ten an tawiawm a ni.
Pu Donny Lalruatsanga chuan Lawngtlai khawpuiin faina kawnga hmasawnna rahbi thar a kai theihna tura Bawrhsap Award, Stand Up Lawngtlai, CEM, LADC Cleanliness Competition, Solid Waste Management (SWM) Rules, 2026 ‘Ban on Single Use Plastic (SUP)’ leh ‘Swachhata Hi Seva Campaign’ kalpui mek a nih thu a sawi a. Hmalakna hrang hrang avanga ‘Mizoram Cleanliness Competition 2026’ a Lawngtlai District – in dinhmun pakhatna a hauh a beisei tlat tih a sawi. A bik takin CYLA – ten hnathlâng rûnpui nei tura an hmalakna a fakawm hle tiin, YLA Branch – hnathlâng zawng zawngte chungah lawmthu a sawi a ni.
Bawrhsap chuan District Adminstration, LADC, NGOs, VC, Kohhran leh mipuite inkarah thawhhona tha tak a awm a, lungrual taka mahni hna chanpual leh thawhho ngai angte thawh thin a ni a, heihi a ropuiin vawnnun zel a pawimawh hle a ni, a ti. Faina leh thianghlimna kawngah theihtawp chhuah zel a nih tur thu sawiin, Lawngtlai mipuite tawiawmna a sawm nghal bawk.
CYLA hruaitute chuan Hnathlâng runpui an koh chhan sawiin, faina leh thianghlimna kawnga Lawngtlai khawpuiin rahbi thar a kaina tur a ni, an ti a. Mizoram Cleanliness Competition’ – ah Lawngtlai District – in dinhmun tha a hauh khat hle chu Pawl anga an vei thu tarlangin, dinhmun pakhatna hauh tura theihtawp an chhuah thu an sawi a. CYLA hruaitute chuan vawiin bakah hian hnathlâng rûnpui an koh leh tur thu an sawi bawk a ni.
