Minister Pu B. Lalchhanzova hovin Mizoram Film Development Committee ṭhukhawm
I&PR Minister Pu B. Lalchhanzova’n Mizo Film Industry chu kawng tam takin hmasawn tawh mahse a than zel theih nan a buaipuitu leh mihring thiamna tih hmasawn a pawimawh thu a sawi.
Nimina a pisa-a Mizoram Film Development Committee thutkhawmah he thu hi sawiin Pu B. Lalchhanzova chuan film leh a buaipuitute chu a rualkhai ang thei bera Committee in an hmasawnna leh film thanzelna tur an ngaihtuah a pawimawh thu a sawi a. Film hmasawnna turah a buaipuitute, a mihring thiamna leh an hmasawnna tur pawh ngaihtuah tel a ngai, a ti a. Concert economy te nen hmasawnna tam tak a thlen theih thu sawiin Kawng hrang hranga Mizoram in film lama hma a sawn zel theih nan CSR atanga tanpuina ngaihtuah a ngaih thu a sawi bawk.
MFDC Chairman leh IPRP & S Secretary Pi Betsy Zothanpari Sailo chuan MFDC chu nikuma Sawrkarin film hmasawnna ngaihtuah tura a din thu sawiin, hetah hian pawl thawhpui bik emaw awm lovin film buaipuitute leh siamtu zawng zawngte chu an huap vek a ni, a ti.
Meeting-ah hian Mizorama Film Industry tihhmasawn nana hmalak dan tur hrang hrang sawiho a nih bakah sum tam zawk film hmasawnna atana dah a pawimawh thute sawilan a ni. Hei bakah hian MFF leh I&PR lamin Ailawnga an din film shoot nana Zokhua siam chu tihchangtlun zel a ngaih thute pawh meeting ah hian tarlan a ni.
