Methamphetamine kg 6,016 man chungchangah NIA-in Tamil Nadu leh Mizoram-ah dapna nei
National Investigation Agency chuan Andaman tuipuia Myanmar lawng atanga methamphetamine kg 6,016 zet man chungchang a chhui zui zelnaah, Tamil Nadu leh Mizoram-a hmun hrang hrangah dapna an nei. Indian Coast Guard-te chuan Andaman Tuipui chhunga Myanmar lawng rinhlelhawm tak intercept-in, he damdawi hmun hrang hranga thawn darh tumna lian tak hi an lo nangching tawh a ni.
Investigation a kal zelnaah he ruihhlo phurh chhuah leh sem darhna hmunpui nia rinhlelhte chhuiin, NIA team-te chuan Tamil Nadu leh Mizoram-a target hmun pawimawhte chu an dap zui a. Official-te sawi danin, he raid hrang hrangah hian ruihhlo tawlhthluang pawl (syndicate) te inzawmna leh ruihhlo phurh luhna hmunpui te, pawisa inthawn tawnna leh dokument pawimawh tak takte chhui chhuah tumin bul tan a ni. He pawl lian tak hian ram chhung leh ram pawn inzawmna an neih zui dan chhui a nih mek thu an tarlang bawk.
