Survey team ten serchhip khawpui chhunga spoil bank thar zawngin an fehchhuak
Serchhipa leivung paihna hmun Bypass Road Bridge bula mi chu environment tana him lo tih hriat a nih avangin, hmun dang remchang zawk zawngin vawiin khan DRDO Project Director Dr. Malsawmtluanga Fanchun hovin Survey Team an fehchhuak.
Serchhip khawpui a lo felfai zawk theih nan leh, khawpui leh a chhehvela leimin vang emaw, in sak emaw leh chhan dang eng emaw avanga leivung paihna tur hmun tha leh awlsam zawk, environment ti chhe lo thei ang ber tur hmun a awm theih nan, August 8, 2026 khan Serchhip Bawrhsap Pu Paul L Khuma hovin thutkhawm neih a ni a, he thutkhawmah hian hmunhmate thlithlaia, zir chiang turin Survey Team din niin, vawiin hian Survey Team te chuan hmun pathum – Khawtetlang thlang Bypass Road, Kikawn atanga Km 3.3 a hla ami te, Chhim Veng, Bypass Road, Sailiam kawn atanga Km 2.3 ami te leh Keitum Spoil Bank, luikawr hnaih lo lai ami te chu spoil bank thar atan hian an thlang (recommend) a, a tul anga hmalak zui a ni ang.
Survey Team-ah hian DC office aiawh te, Revenue, PWD, NHIDCL aiawhte bakah khawtlang hruaitu VC leh YMA hruaitute telin DIPR Serchhip leh FMC ten an tawiawm a ni.
