Kawrthah Forest Division hnuaiah Forest dan leh hrai zirhona hun hman a ni
Vawiin khan Luimawi khua-ah Pu Karthikeyan V, DFO Kawrthah hovin Kawrthah Forest Division chuan a tum 4-na atan “Kan ramngaw kan nunna” tih leh “Kan ramngaw hi kan nun khawchhuahna a ni” tih thupuia hmangin forest dan leh hrai te inhriattirna hun hman a ni.
Pu Karthikeyan V, chuan Forest (Reserve Forest) chhunga cheng khaw mipuite’n dikna chanvo leh mawhphurnate mipuite hnenah a hrilhfiah a. Tut-Langkaih Protected Council Reserved Forest leh Riverine Reserve Forest chungchangte sawifiahna te a nei a ni.
Vawiin programme-in a tum ber chu forest ram chhunga cheng khaw mipui te’n forest kaihhnawih dan an hriat te, an dikna leh mawhphurhna hriattir te leh mihringte leh ramngaw inkara inkungkaihna tha tak a awm zel theihna tura hmalak te a ni. Luimawi khaw mipuite chu an khaw chhehvelah department plantation thahnem tak a awm avangin a venhim kawngah khaw mipui te’n mawhphurhna pawimawh tak an neih thu hrilhin, Luimawi khua chu Luipui bula khaw awm an nih avangin Balu leh minor forest produce hrang hrangte hman leh lak dan chungchangte a hrilhfiah an ni bawk. Forest produce te venhim leh enkawl kawnga Department te thlawp tlat tura chahin, thawhhona tha tak neih zel an duh thu tarlan a ni.
Khawthlang mipuite atangin Forest Department chunga an lungawihlohna leh harsatna an tawhte ngaihthlak a ni a, inhrilhfiah ngaite hrilhfiah a ni bawk. He hunah hian Luimawi khaw VC member te, YMA, MHIP leh MUP member te an kal tha hle a ni.
