Intensified iec campaign leh mission aids suraksha(mas) review meeting neih a ni
Vawiin khan DC Conference Hall, Lawngtlai ah Bawrhsap Pu Donny Lalruatsanga kaihhruaina in Intensified IEC Campaign leh Mission AIDS Suraksha review meeting neih a ni.
Bawrhsap Pu Donny Lalruatsanga chuan kalkhawmte hnenah lawmthu a sawi a. Thawktute inpekna leh thahnem ngaihna ah an fakawm a tiin lawmthu a sawi a ni. Lawngtlai District chu a zau a, thawktute pawh inthlahdah na hun kan nei lo a ni a ti. District a zau a, changchhiatna hmun pawh kan ngah a, chuvangin awareness pawh kan uar in a kilkhawr ber tleng kan pek a ngai a ni a ti. Hmun thenkhat ah chuan AIDS awmzia pawh hrelo leh intest na chang pawh hrelo kan awm a, tan kan lak zual sauh sauh a ngai a ni a ti bawk. Kan District a tlawmngai pawl lian berte CYLA leh VC nen tangtlang ila a inven, hmuhchhuah leh inenkawlna ah hma kan sawn ngei ang a ti a ni.
Line Worker Scheme -Lawngtlai District Village Level Intensified IEC Campaign report ngaihthlak niin Village Level meeting/Advocacy with Village Head -Village 35, Awareness Campaign vawi -35, Door to Door campaign- Household visit- 2,200, neih a nih thu ngaihthlak a ni.
Mission AIDS Suraksha(MAS) atangin report ngaihthlak niin MAS hi NACO in kumin atanga kalpui a ni a, HIV hi hlawhtling taka thunun hi a tum ber a ni. 100% a HRG cover hi a tum a ni a, HIV vei 95% ten HIV dinhmun an hriat chian a,95% teHIV treatment an la tur a ni a, 99% HIV vei ten an treatment lak avangin viral load an paltlang tih an hre tur a ni a, Raipuar/naupai zawng zawngte tan HIV syphilis leh Hepatitis B test 100% hi MAS thil tum ber ani. April, 2025-March, 2026 chhungin HIV test 1914 atangin HIV Positive 57 hmuh niin 2.97% a ni a, ART Linkage 56 an awm a ni. April, 2015- March, 2026 a HIV inkai na te- sexual Contact-34, Homosexual -1, infected Needle-20, Parent to Child-2 niin April, 2025-March, 2026 inkarah Raipuar/naupai test -1533 atangin HIV Positive -7 hmuh niin 0.45% niin ART Linkage -7 tih report ngaihthlak a ni.
Review Meeting ah hian CMO, DEO, Medical Superintendent, DACO, MO ART, MO OST, CYLA aiawh, DPR LSW, PM T.I Core Composite, PM Migrant Project, DISHA Staff leh Counsellors (ICTC, DSRC, SSK, ART) te an tel a, Bawrhsap chuan lawmthu sawiin meeting a khar a ni.
