MISA General Conference 2026 hman a ni
Vawiin khan Mizoram Information Service Association (MISA) chuan I&PR Conference Hall, Lianchhiari Run-ah kum 2026 MISA General Conference an hmang a. He hun hi Pi Betsy Zothanpari Sailo, IPRP&S Department Secretary chuan khuallian niin a hmanpui.
He hunah hian khuallian Pi Betsy Zothanpari Sailo, IPRP&S Department Secretary chuan MISA member-te fuihna thu leh lut tharte lawmna thu sawiin, MISA Conference hlawhtling taka hman theih a ni chu lawmawm a tih thu a sawi a. MISA member-te chu intuaithar a, ram leh hnam tana chhenfakawm lehzuala sawrkar kum thar tana inhlan thar turin a chah a. Mipui vantlang tana information pawimawhna leh sawrkar hmel tar langtu an nihna dinhmun pawimawhnate ngun taka ngaihtuah a, Conference chu hlawk taka hmang theuh turin duhsakna a hlan nghal a ni.
MISA General Conference hi chawhma lamah hawnna hun hman niin, nikum lama MPSC buatsaih Civil Services Combined Competitive Examination-a lut thar MIS officer-te lawm luh nghal an ni a. Chawhnu lamah rorelna leh MJA General Headquarters hruaitute kaihhruaiin 2026-28 atana MISA hruaitu tur thlanna hun hman nghal a ni.
MISA General Conference hawnna pual inkhawm hi Pu Pratap Chhetri, Vice President, MISA chuan kaihruaiin, Pu Malsawmsanga, President, MISA-in kal khawmte lawmna thu a sawi a. Pu Andrew H. Lalremruata, General Secretary, MISA hnen atangin report ngaihthlak niin, Pi K. Vanlalsangi, I&PR Director & MISA Patron hnen atangin thusawi ngaihthlak a ni a. Pi C. Lalremruati, Treasurer, MISA-in lawmthu sawiin hawnna hun hi a khar a ni.
