Heroin tam tham tak man a ni
Champhai Police chuan nimin tlai dar 4:30 khan Chhungte dai kawng sira thu Lalbuatsaiha (21) Tlangsam khua ni-a insawi chu ringhlelin thu an zawtfiah a, a thutna bulhnai hnim karah Heroin a thuhruk thu a sawi chu enfiahin, Heroin hawng 4 an hmuchhuak a.
An chhui zuina atangin he ruihhlo tawlhnaa inhnamhnawiha puh midang pahnih Lawmnasanga, kum 40 Khawhai leh Lalrinthangi, kum 35 Tlangsam khua ni-a insawite an man belh leh a ni. Champhai Police hian Thawhtan zing dar 7 khan Chalbawia Junction, Khankawn Check Gate patlang tur Maxicab pakhat an endiknna atangin Heroin hawng 5 an man a.
A neitu-a puh Lalpekthuama, kum 30 Seling khua ni-a insawi chu man nghalin, heng ruihhlo neitu-a puhte hi Champhai Police Station-ah ND&PS Act hmangin thubuai an siam sak a ni.
