awngtlai DC in damdawiin hrang hrang a tlawh
Lawngtlai Bawrhsap Pu Donny Lalruatsanga’n nimin khan Lawngtlai khawpui chhunga damdawi In tlawhin an mamawh hrang hrang a enfiah.
Pu Donny Lalruatsanga chuan District Hospital, Lawngtlai a tlawhna ah thawktuten Damlo an enkawlna kawngah an hnathawh fakin thahnem ngai taka thawk zel turin a fuih a. District Hospital chu mi chanhai zawkten an pan nasa tih sawiin Civil Hospital tan motor pek an nih tur thu a sawi a, MUCHS 2.0 bikah uar zawka inzirtirna kalpui a tul thu a sawi a ni.
DC hian Lairam Christian Medical Centre & Hospital pawh tlawhin Nursing School an din tur chu lawmawm atih thu a sawi a, Chhimbial mai bakah hmun dang atanga zir duh tan a tangkai dawn tih sawiin an mamawh an lo thlen angte bawhzui a tum thu a sawi a ni.
