Chief minister leh union minister of power & mohua inkawm
Vawiin tlai khan Chief Minister Pu Lalduhoma chuan a Bangla-ah Mizoram tlawha lo zin mek Pu Manohar Lal Khattar, Union Minister, Power, Housing & Urban Affairs chu a kawm a, Power lama Mizoram hmasawnna tur thilte leh Thenzawl Peace City chungchangte a sawipui.
Chief Minister hian, New Delhi-a Pu Manohar Lal Khattar-in a lo sawipui tawh thin Darzo Lui Pump Storage Project chungchang te, Power Evacuation Line Mizoramin a mamawh belh dan te, RDSS hnuaia hmalak mek te, Rooftop Solar installation lama hmalakna te a sawipui a. A enkawl Ministry hnuaia 10% GBS hmanga Mizorama hmalakna kalpui turin a lo ngen bawk.
Chief Minister hian, MoHUA atanga Thenzawl Peace City dinna tur bultanna Master Plan thawhna tur a pek avangin lawmthu a hrilh a. Tluang taka hmalakna a kal thu a lo hrilh a. Union Minister hian Chief Minister thil thlente hi a theih anga a lo bawhzui tur thu a sawi a ni. Chief Minister hi Pu F. Rodingliana, Power Minister chuan a tawiawm a ni.
