Siaha-ah Oil palm rah (FFB) vailiamna hun hmang
Vawiin khan Amobyu Vaithie, zero point hmunah kum 2014 a chin tawh Oil Palm rah (FFB) vailiam na hun neih a ni. He hun hi Pu R Lalrinawma DAO, Siaha chuan kaihruaiin, Project Director, ATMA leh Senior Scientist and Head, KVK Siaha te leh oil palm chingtuten an tel pui a ni.
Pu John Lalnunsanga ADAO, Siaha chuan District chhunga National Mission on Edible Oil- Oil Palm hnuaia hmalaknaah kum 2025-2026 chhung khan khaw 7 ah oilpalm plantation thar kalpui niin, kung 17,520 chin mek a nih thu a tarlang. Pu Timothy Laldailova, Assistant Manager, Patanjali Foods Limited chuan Lawngtlai District, Liapha hmunah oilpalm mill an din mek thu leh 2027 February atanga oil palm an her tan tawh tur thu tarlangin International price index hmanga Serchhip, Lunglei, Lawngtlai leh Siaha atanga Oil Palm thar an lei zel tur thu a tarlang bawk.
He huna khuallian Pu Abraham Beirazi Khithie Additional DC, Siaha chuan Agriculture & Farmers’ Welfare Department leh Partner Company ten Siaha District hmasawn nana Oil Palm chin an kalpui chu a thlawp thu te, taimakna, tumruhna leh hmasawn tumna rilru pu chunga nasa leh zuala Oil Palm ching tura Siaha District loneitute a duh thu sawiin Godrej Agrovet, Bukvannei Kolasib a hralh turin Oil Palm rah qtl 19 a vailiam nghal ani.
