Revenue Minister Pu B.Lalchhanzova’n DC Office Chei That (Renovate) Mek A Enpui
Vawiin khan Revenue Minister Pu B. Lalchhanzova chuan Land Revenue and Settlement Department hnuaia Assistant Commissioner(Revenue) North thuthmun tura duan Aizawl DC Office building chung ber, Treasury Square, chei that (renovate) mek chu a enpui.
Minister chuan Land Revenue and Settlement Department luah tur DC Office building chung ber chei that (renovate) mek chu sak zawh vat a nih theih a beisei thu sawiin, hemi avang hian thawhhona tha leh chak zawk neih chhunzawm zel turin a chah a. Sawrkar ruahmanna thar angin District Revenue office-te hi district tina DC office-ah awm tawh tura ruahman a ni.
Mizoram sawrkar pawhin e-governance chu a ngaihpawimawhzia sawiin, District Revenue Office leh DC Office hnai taka an thawkho thei tur hian digitalisation lama Mizoramin hma a sawn theihna rahbi pawimawh tak a nih a rin thu Pu B. Lalchhanzova chuan a sawi a. Kum hnih thum hnuah chuan 100 percent-in files te pawh digitised a nih ngei a beisei tih a sawi bawk.
Vawiinah hian Minister hi Land Revenue and Settlement Department Commissioner & Secretary Pu Vanlalmawia chuan tawiawmin, Aizawl District Commissioner (DC) Er. Lalhriatpuia chuan a lo dawngsawng a, DC office thawkte leh LR&S office-a thawk hote nen hian building chei that (renovate) mek chu an enho a ni. Celing beam thlakte, pindan siam belh leh chei that te, lawiluhna awlsam zawk siam leh hna dang dang te he renovation hnathawh hian a keng tel a ni.
