Pu Binod Kumar, Secretary, Election Commission of India chuan Champhai a tlawh
Vawiin khan Pu Binod Kumar, Secretary, Election Commission of India chuan Champhai a tlawh a, Champhai District chhunga DEO, EROs, AEROs, BLO Supervisor leh BLO te chu Circuit House Conference Hall-ah Special Intensive Revision 2026 chungchangah review meeting a neihpui.
Pu Binod Kumar chuan Special Intensive Revision 2026 kalpui tan mekah hian BLO te’n mawhphurhna lian tak neiin anmahni ah an innghah tlat avangin theihtawp an chhuah a ngai tih a sawi a, Champhai hi Myanmar Border a awm a nih avangin SIR tihhlawhtlin hi a pawimawh lehzual tih sawiin SIR kalpui tura dan leh dun awmte hrechiang turin a chah a, awlsam zawk a an kalpui theihna tura ruahmanna felfai tak siam turin a chah a, an zawh hma leh an hahdam hma dawn avangin a hunlai chuan taima taka thawk tur leh enumeration form hi ni 5 chhunga semfel hman tum turin a chah a, duhsakna a hlan a ni.
He hun hi Pu Lalbiakfela, Addl. DC chuan kaihruaiin Pu Ngulzathuama, Election Officer chuan SIR puala hma an lo lak tawhna te report a pek bakah Champhai District-a Assembly Constituency awm te leh heng Constituency-a polling station awm zat leh Voter awm dan te a tarlang bawk.
Pu Binod Kumar hian vawiin vek khan Zokhawthar Polling Station a tlawh nghal a, VC leh YMA hruaitute’n an lo hmuak a inkawmhona an nei nghal a, Pu Ngulzathuam EO, Pu Lalchhuanawma Ralte SDC leh I&PR Officials ten an tawiawm a ni.
