MUHCS zawmtu an pung zel
Synod Officer’s Meeting chuan Kohhran member retheihna avanga Mizoram Universal Health Care Scheme zawm theilo ten an zawm ve theih nana hma la turin Kohhran hrang hrang a hriattir.
Synod Officer’s Meeting chuan Kohhran ho ah Kohhran member te retheihna avanga zawm thei lo, harsa zual te Kohhranin an zawm theih nana hma la tura siam ni se an ti a, mi harsa zawk te tanpuina kawng anih avangin Kohhran hrang hrang ten ti hlawhtling ngei turin an ngen a ni.
Pentecostal Church (UPC) of Mizoram chuan an zir chian hnuah Mizoram Universal Health Care Scheme (MUHCS) chu zawm ve ngei tula an hriat avangin an kohhran hnuaia thawk zawng zawngte chu zawm vek turin a hriattir a.
UPC (Mizoram) chuan thuchhuah siamin Mizoram khua leh tui nih loh vang emaw, thil dang Planning & Finance Board-in chhuanlam tlinga a pawmte avanga zawm thei lo tih loh mi dang zawng chuan an zawm ngei tur a ni an ti a. Mahni thu a MUHCS zawm lo te chu kohhranin MR Bill a buaipui sak tawh dawn lo a ni. Khua leh tui nihna avang emaw he ruahmanna-in a phut document neih loh vanga zawm thei lo te chu a huam dawn lo a, dan pangngai-in kohhranah MR an la bill chhunzawm zel thei dawn a ni.
