Excise & Narcotics Department chuan Heroin thahnem tak an man
Excise & Narcotics Department chuan Nilaini chawhnu dar 2 khan Kolasib Khuangpuilam-ah heroin Kg 1 & gram 252 leh a neitu nia puh mi pahnih – Patrick Ramhmingthang (44) Mualvaiphei, Manipur leh Samson Lalremruat (24) Parbung, Manipur ni a inchhalte an man a, Heng Heroin te hi Manipur atanga an lak, Silchar lama hralh tum mek lai a ni.
Heroin vanga mante hi Narcotic Drugs & Psychotropic Substances Act, 1985 (NDPS Act) section 21(c) hmangin thubuai siamsak an ni a, District & Sessions Court, Kolasib-ah hruai nghal an ni.
Excise & narcotics hotute chuan Narcotics Control Bureau (NCB) chuan heroin kg khat hi cheng nuai 80 hu niin India rama tun dinhmunah rate a siam a. Mizoramah hian tun dinhmunah heroin hawng khat (gram 12 vel) hi Rs. 35,000 leh Rs 40,000 vel hu ni a ngaih a nih thu an sawi bawk a ni.
