Lawngtlai bawrhsap leh drug reduction squad (cyla) te inkawm
Vawiin khan Lawngtlai bawrhsap Pu Donny Lalruatsanga chuan Central Young Lai Association hnuaia Drug Reduction Squad (DRS) te a Office Chamber-ah kawmin, hmalakna tur kawng hrang hrang leh thawhho dan tur a sawipui. Pu Donny Lalruatsanga chuan Drug Reduction Squad (DRS) Member – lo kalte hnena lawmthu sawina a nei a. CYLA – ten ruihho do tura Drug Reduction Squad an dinthar leh chu lawmawm a tih thu sawiin, chak taka hma la zel turin a chah a. Ruihhlo Do kawngah sawrkarin theihtawp a chhuah mek laiin, Drug Reduction Squad – te chu kut ke pawimawh tak an ni tiin, kawng hrang hrangah thawhho a tul hle a ti a. A bik takin Ruiho do beihpui ‘Operation Jericho ‘ hnuaia thawhhona tha tak awm chu chhunzawm zel a tul hle a ni, a ti.
Bawrhsap chuan Ruihhlo tirem tura hmalaknaah sawrkar leh DRS – te hmalakna chu mipuite pawhin an thlawp that a pawimawh tak zet a ti a. Ruihhloin mimal, chhungkua, khawtlang, ram leh hnam a tichhiat nasat zia chhûtin, tha thlah theih a ni tih tarlangin, chawl lo a hmalak zel a tul a ti a. Taksa mai piah lamah thlarau damna chu thil pawimawh tak a ni tih tarlangin, hemi kawngah hian chak zawka hmalak puiah DRS- re a sawm a . Lawngtlai District chu ruihhlo awm lohna (Drug Free District ) a siam turin theihtawp chhuah mek a nih tur thu sawiin, Mipuite thawhpuina a sawm nghal bawk. Drug Reduction Squad- hrautute chuan DRS chu 2022 atang din tawh a nih thu tarlangin, vawiin thkengin chak takin hma an lak reng thu an sawi a.Ruihhlo do kawngah DRS leh sawrkar thawhho chu pawimawh hle a an hriat thu sawiin, mipuite tana thawkho turin an inoeih reng thu an tarlang a ni.
Thutkhawm chuan Ruihhlo do kawngah chak zawka hmalak ni se, a theihna chin chinah hmalak tlan zel ni se an ti a. Thlarau damna leh piantharna chu pawimawh hle nia an hriat thu tarlangin, Salvarion Camping- pawh huaihawt ngei ni se an ti a. Hemi atan hian sum leh pai mamawh a tam dawn a, a tul anga ngsihtuahho ni se, Organising Committee- pawh mumal taka din ni se an ti a. Ruihhlo do kawngah sawrkarin ‘Operation Jericho’ a kalpui mek chu chhunzawm zel tha ti tlangin, duty – leh tul dangah hmalakho zel ni se an ti a ni. Vawi leh khatah hmalakna tur zawi kim vek theih a ni lo tih pawm tlangin, May thla chhung ngeiin thutkhawm hi neih leh ni se an ti a ni. Vawiin thutkhawmah hian Drug Reduction Squad (DRS) hruaitute an tel kim tha hle a, Pu Donny Lalruatsanga chuan lawmthu sawina neiin hun a khar.
