Food and Drug Administration, Mizoram, NASVI leh Nestlé India chuan hmalakna thar ‘Eitur thianghlim’ chu mipuite tan a chhawpchhuak
Nestlé India chuan Food and Drug Administration, Mizoram, leh National Association of Street Vendors of India (NASVI) te nen tangkawpin an state chhunga Project Serve Safe Food an tlangzarh. He project kalpui mek zingah hian NASVI hian state chhunga street food zuar mi 100 te chu training a pe dawn a ni. Mizorama project kalpui a nih tak avangin tunah hian India hmarchhak zawng zawng a huam vek tawh a, state pasarihah street food vendor 10,000 chuang training pek an ni tawh bawk.
Project ‘Serve Safe Food’ hian state 26 leh Union Territory 4 ah kawngpui sira ei tur zuar 92,800 chuangte chu hriselna, faina, fai taka ei leh in sawngbawl, bawlhhlawh paih dan leh entrepreneurship chungchang zirtirna pein hlawkna a thlen tawh a ni. Training program hian vendor te chu an ei leh in thianghlim taka an sawngbawl dan tur a hrihhria a ni. Kunwar Himmat Singh, Head, Sustainability leh Social Initiatives , Nestlé India chuan, “Nestlé India ah hian ram pumah ei leh in himna tehfung tihsan kan tum a kan thil siam chauh ni lovin. Project Serve Safe Food hmang hian kawngpuiah ei tur zuarte chu faina leh ei leh in lama an fimkhur nan practical training hmangin zirtir an ni a, thiamna leh awareness te pawh kan tichak a ni. He hmalakna hi kan tihpun zel avangin an sumdawnna tihhmasawn leh chhunzawm zelna tur a thlawp rualin chetdan phung lama inthlak danglamna nghet tak a thlen dawn tih kan ring tlat a ni.”.
Nestlé India hian kum 2016 khan Project Serve Safe Food a kalpui tan a, state hrang hrangah kawngpui sira ei tur zuarte a zirtir tawh a, chung zingah chuan Assam, Andhra Pradesh, Arunachal Pradesh, Andaman and Nicobar Islands, Bihar, Chhattisgarh, Delhi, Goa, Gujarat, Haryana, Himachal Pradesh, Jammu and Kashmir, Jharkhand, Karnataka, Kerala, Madhya Pradesh, Maharashtra, Manipur, Meghalaya, Nagaland, Odisha, Puducherry, Punjab, Rajasthan, Sikkim, Tamil Nadu, Telangana, Tripura, Uttar Pradesh, leh Uttarakhand te an tel a ni.
