Council Of Ministers Meeting Nei
Chief Minister Pu Lalduhoma kaihhruai nimina Council of Minister thukhawm chuan Armed Veng South-a Home Department ram chu Armed Veng East Presbyterian Kohhran hnenah hlan a remti.
Council of Minister thukhawm hian Agenda hrang hrang 18 an ngaihtuah a, heng zingah hian Higher Secondary school 12 dinhmun sang zawka hlankai turrin provincialise a remti a, heng bakah hian Aizawl Venglaia School Education Department ram chu Aizawl Venglai Local Council hnenah pek a remtih bakah Mizoram sawrkar Advisor atan Chief Secretaryt hlui Pi Renu Sharma rawih an remti bawk.
Agenda hrang hrang pawm zingah hian Higher & Technical Department atanga Agenda lut RUSA Scheme hnuaia Asst Prof 58 te chungchang ngaihtuah zui a remti a, Mizoram Startup Policy, 2026, Mizoram Engineering Service Rules, 2026, Mizoram Regulation of Fireworks Bill, 2026, Aizawl City, Traffic Police Warden Scheme, 2026, Mizoram Water Information and Governance Bill, 2026, Mizoram Inner Line Pass Guidelines, 2026 te chu pawm a ni a, Aizawl Municipal Corporation Building (Amendment) Regulations, 2026 erawh ngaihtuah zui tura dah a ni.
