Chief minister hovin winter festival 2026 organising committee thukhawm
Vawiin khan P&PI Conference Hall-ah Chief Minister Pu Lalduhoma hovin Winter Festival 2026 Organising Committee-te an thukhawm a, Winter Festival 2026 hman dan tur an rel a ni a, nikum lama Winter Festival neih tawh dan thlir let bawk a ni.
Chief Minister chuan Mizoram chu Winter Capital of India-a siam kan tum mek a, chu mi atana kan hmalakna langsar ber chu Winter Festival hi a ni a. Entrepreneurship lama Mizoram tihlarna hmanrua tur a ni. Tourism Department bul tuma kalpui ni mahse department zawng zawng nena thawhho (convergence) ngai nih avangin department hrang hrangte kan inko khawm a. Kan department hmalakna zawna kan lo tih ve theihte in ngaihven theuh kha kan duh a ni, a ti.
Meeting-ah hian Tourism Department Minister Pu Lalnghinglova Hmar leh department hrang hrang hotute an tel a ni.
