Adviser to CM in kawngpui siamthat hnathawh mek a tlawh
Adviser to CM (Finance) Pu TBC Lalvenchhunga’n inrinni khan Kawnpui leh Sairang inkar kawng thawm ṭhat mek chu enfiahin chak zawka hmalak dan tur Mizoram PWD Chief Engineer Pu Robin Lalrinawma, J Intratech leh BR Goyal bakah Balaji Construction Company hotute nen an sawi ho.
Kawnpui to Khamrang kawng hi J intratech ten thawkin Dense Bituminous Macadam leh Water Bound Macadam an zo thaw khat tawh a, heng an hnathawh mek te hi April 20 hma ngeia zo turin Pu TBC Lalvenchhunga hian hnathawktute a ngen a ni.
Buichali leh Khamrang inkar chu BR Goyal ten an thawk mekin anni hian zo thawk khat tawh a, tunah hian tui luankawr an siam mek a. Kawnpui to Khamrang hi Balaji Company ten kilometre 2 an thawk mek bawk a ni.
Buichali leh Sairang inkar hi J intratech ten thawk mekin Pavement Concrete Cement in single lane ṭhenkhat an siam zo thawkhat tawh a, Adviser to CM hian Sairang Zero Point aṭangin Sairang khawchhung lam panga hna bul ṭan turin a hriattir a, karleh, April thla tir aṭanga hna thawk ṭan tur leh April ni 10 hma ngeia zo turin a hrilh bawk.
Pu TBC Lalvenchhunga hian Balaji Company ten Laboratory Testing Center, Khamranga mi pawh a en nghal bawk.
