Mamit-ah Sawrkar laipui leh State sawrkar scheme Rooftop Solar kan hman theihna turah mipuite zirtirna pek a ni
Nimin khan I&PR Conference Hall, Mamit-ah PM Surya Ghar : Muft Bijli Yojana hmalakna kal zelah, Month of Solar 2026 Celebration & Awareness Campaign hun hman niin mipuite hnenah sawrkar laipui leh state sawrkar tangkawpa hmalakna Rooftop ṭangkai taka kan hman zel theih nan inzirtirna hun hman a ni.
Pu Jacob Lalrinfela, Executive Enginner Power & Electricity Department, Resource Person chuan presentation pein, zawhna te a chhang nghal a ni.
He hunah hian Rooftop Solar hmang mekte hnen aṭangin a hlawkna leh a ṭhatnate ngaihthlak a nih bakah, zawhna leh chhanna hunte hman a ni a.
PM Surya Ghar : Muft Bijli Yojana, Moth of Solar 2026 Celebration behchhan hian Mamit Power Division hnuaia Sub-Division hrang hrangah mipui zirtirna Banner-te tar niin Scheme thehdarhna hun hi hman a ni bawk.
