Union Minister of State Pu Tokhan Sahu chuan Champhai pisa hotute nen inkawmna hun a hmang; Mualkawi Solid Waste Management Centre a tlawh
Union Minister of State for Housing & Urban Affairs Pu Tokhan Sahu chuan vawiin khan Champhai Circuit House Conference Hall-ah Champhai pisa hotute nen inkawmna hun a hmang.
He hunah hian Champhai Sub-Deputy Commissioner Pu Lalchhuanawma Ralte chuan Housing & Urban Affairs hnuaia scheme Champhaia kalpui hrang hrang – Pradhan Mantri Awas Yojana – Urban (PMAY-U) te, Deendayal Antyodaya Yojana – National Urban Livelihood Mission (DAY-NULM) te, Atul Mission for Rejuvenation and Urban Transformation (AMRUT) te leh thil dang te sawifiahna hun a hmang a, hemi zawh hian Minister Pu Tokhan Sahu chuan pisa hotute chu kawmin zawhna te a zawt a, an harsatna te a ngaithla a ni. Minister chuan sawrkar scheme hrang hrang, mipuiin an la hriat hnem tawk loh, tangkai pui theih deuh tur si hi a awm teuh a, chung chu hriat tuma hmang tangkai turin mipuite a sawm a, chung scheme chu mi tam thei ang berin an hlawkpui theih nan sawrkar hnathawkte tang turin a fuih bawk a ni.
Inkawmna hun an hman zawh hian Minister Pu Tokhan Sahu chuan AMRUT 2.0 hnuaia sak mek Mualkawi Solid Waste Management Centre a tlawh a, a sak dan leh hnathawh kal dan te a endik a ni. He hmun hi bawlhhlawh paih nan hman tan tum mek a ni.
