Thlipui leh ruah sur nasa avanga chhiat tawkte hnenah Chief Minister-in zangnadawmna a hlan
Vawiin khan Chief Minister Pu Lalduhoma chuan a bial, Thenzawl khawchhunga thlipui leh ruahpui avanga chhiat tawkte hnenah SDRF leh CM Relief Fund atangin zangnadawmna a hlan a, Thenzawl Kanan veng leh Tualvungi veng a chhiat tawkte chu a hmunah a tlawh nghal bawk.
April ni 27, thawhtanni tlaia thlipui leh ruahpui sur khan Thenzawl-a chenna in 8 chu luah tlak lohvin a len chhia a, heng bakah hian in chhe nasa zual 9 awmin, chhe nasa lutuk lo 54, sawrkar in leh vantlang in chhia 13 leh electrict ban tlu 15 a awm a ni.
