Khawzawl Wildlife Division Hmalaknain Ar Note Sem Chhuah A Ni
Vawiin khan Khawzawl Wildlife Division hmalaknain Vapar, Murlen leh N. Khawbung khuaahte Murlen National Park-a Eco-Development activity hnuaia hmalakna pakhat atan Rainbow Rooster ar no 4000 sem chhuah leh a ni a. Heng khaw pathum aṭang hian chhungkaw 80 hnenah ar note 50 zela semchhuah niin, ar note sem chhuah zat hi a vaiin 4000 a ni. He hmalakna hian a tum ber chu Protected Area bulhnaia chengte tana ramngaw leh nungcha humhalh chunga eizawnna tha zawk kawh hmuh bakah mihringten nungchate chenna hmun kan nek chep zel tihziaawm a ni.
He programme kaltlang hian ar note hi tum hnih sem chhuah tawh niin ar note 7000 chu Murlen National Park chhehvel khaw parukah sem chhuah tawh a ni a. He hmalakna hi kalpui zel tur niin khaw pasarih dangah la sem leh tura ruahman a ni.
