August 11, 2025

Champhaiah Children’s Science Congress 2025 District Level Sensitization Workshop buatsaih

Vawiin khan Education Training Hall, Kahrawtah Children’s Science Congress 2025 District Level Sensitization Workshop, Samagra Shiksha, Champhai leh STAM buatsaihin neih a ni. A hawnna hun hi Pi Laldingliani Ralte, Dy. DPC in kaihruaiin Pi R. Lalnunpuii , Academic Coordinator, Champhai District Children’s Science Congress chuan report a pe a, Pi K.Lalsiamliani, DEO & DPC, Champhai District chuan thu a sawi a ni.

District Level Children’s Science Congress Sensitization programme-ah hian Resource Person atan Dr. Zothansangi, Asst. Professor, Govt. Champhai College hman a ni. He programme hmang tur hian High school 24 leh Middle School 27 atangin zirtirtu pakhat theuh, rawn tel thei ngei tura beisei school te koh an ni a, mi 45-in an attend a ni.

Chawhnu kha Group discussion neih a ni a. Professional Ethics chungchangah Pi K. Lalsiamliani, DEO & DPC, Pu Lalthlamuana Tochhawng, SDEO leh Pu H. Lalengzama, HEO ten zirtirna an pe bawk a ni.

Leave a Reply

Your email address will not be published. Required fields are marked *

Copyright © 2025 Mizo Express. All rights reserved. | Newsphere by AF themes.