Champhaiah Consumer Awareness cum Workshop buatsaih a ni
Vawiin khan Champhai District Civil Supply Officer bultumin I&PR Auditorium-ah District Civil Supply Officer (DCSO) Pu C.C Sakhawliana kaihhruaiin Consumer Awareness cum Workshop buatsaih a ni. DCSO chuan Supply Office hian Supply lam chauh an hna a nih loh thu leh Consumer te hamthatna hi an mawhphurhna a nih thu a sawi a, a thlawna dawng leh hralh lehchhawn tura thil leitu ni lo, mahni tana thil lei thin te chu Consumer an nih thu a tarlang bawk.Pu Ngulzathuama, SDO (Sadar) chuan mihring zawng zawng hi consumer an nih thu a sawi a, consumer te dikna chanvo venhimna atan India chuan Consumer Protection Act, 1996 ah a neih chauh thu a sawi a, kum 2019 khan Consumer Protection Act a siam that leh thu tarlangin mipuite pawhin he dan hian consumer te nasa taka a hum tawh thu sawiin Consumer Protection Act-in consumer te a venhim dan hriatchian a pawimawh thu a sawi.
Online Delivery Service te chu an customer te an lo dawn sawn dan ang bawkin hmun dangah lo dawngsawng ve se an duh angem tih an inzawh fo an ngaih thu a sawi a, Mizote’n ti kher kher nih kan hlau lutuk thin hi bansan a, kan dikna a nih phawt chuan consumer kan nihna angin kan thil lei a pawisa nawi kir chungchangah pawh an dikna chu vawng tlat turin a chah a, an dikna palzut tute chu dan hmangin cheng tam tak chawi tir theih an nih thu a sawi a, Pawisa nawi cheng 5 te dawr neituin a pek kir aia thil dang a pe thin te hi dan bawhchhiatna a nih thu sawiin pawisa nawi aia consumer te an pek hmang khan anmahni dawr ngeiah pawh engmah lei an phal chuang lo tih a sawi.
Pu Lalthafamkima, District Dispute Redresaal Commission hnen atangin Online Delivery Services chungchanga hriat tul leh pawimawh te ngaihthlak a ni a, Online Delivery service te chu an bungraw thlen dan leh awm dan hrechiang turin a fuih a, an service a thleng tura bungraw chahtute deliver theih loh nei lo turin a chah a, mipuiten thil an chah a, deliver tura thlan an nih a, a chahtu awmna hmunah an deliver theih si loh chuan khin theih an nih thu sawiin an tan phatmarna tur engmah a awm loh thu a sawi a, an service-ah bungrua mipuite an chah thleng a nih chuan an bial a ni emaw ni lo emaw a chahtu awmna hmun an thlen ngei chu an mawhphurhna a nih thu a sawi.
Pu Felix Lalruatsanga, Legal Metrology hnen atangin bukna dik leh tling chungchanga Consumer te hriat ngei ngei ngai leh tul pawimawh tak tak te ngaihthlak a ni a, dan bawhchhiat theih a nih dan leh hremna awm te a tarlang a zawhna leh chhanna hun hlawkthlak tak hman a ni bawk.
