Chief minister in north east economic corridors online meeting ko
Vawiin khan Ministry of DoNER-in India hmarchhak hmasawnna tura Economic Corridor hmathlir duang tura a din High Level Task Force on North East Economic Corridor te chu an convener Pu Lalduhoma, Chief Minister hovin online meeting an nei.
Chairman Pu Lalduhoma chuan meeting-a tel te chungah lawmthu sawiin, a ngaih pawimawh thil te a sawi hmasa a. Hmarchhak infrastructure tihchangtlun tulzia tarlangin; Mizoram Road density hi India ram average aiin a hniam zawk hle a, infrastructure dangah pawh kan la hnufum hle. Infrastructure te kan tihchangtlun hian chhak lama Asian ram te nena kan inkalpawhna kan titha a ni nghal zel a, thawh tur a tam hle a ni, a ti. Hmarchhak bialte tana hmathlir fel tak neia hmalakpuitu Pu Jyotiraditya Scindia, DoNER Minister chungah lawmthu a sawi bawk.
Pu Lalmalsawma Pachuau, Secretary, Planning & Programme Implementation Department chuan, meeting hmasaa sawihona leh member state te atanga rawtna lo lutte behchhan report a pe a, chu mi hnuah sawihona an nei zui a ni.
Pu Jyotiraditya Scindia, DoNER Minister, Pu Conrad Sangma, Chief Minister, Meghalaya, Pu Chandra Mohan Patowary, Minister, Assam, Pu PK Singh, Chief Secretary, Manipur, Shri V. Umashankar, Secretary, MoRTH, leh Department for Promotion of Industry & Internal Trade aiawhten thu an sawi a. An sawihona te hi state tin ten an thlirho leh ang a, meeting an la nei zui leh ang.
He Task Force hi Ministry of DoNER-in India hmar chhak hmasawnna ruhrel pawimawh thawh tur (objectives), short term, medium term leh long term ruahmanna neia rawtna siam tura din a ni.
