UD&PA Minister Pu K. Sapdanga chuan MUDAL hnuaia hnathawh hrang hrangte a hmunah tlawhin a enfiah
Mizoram Urban Development Agency Limited (MUDAL) bakah Public Works Department (PWD) leh Urban Development & Poverty Alleviation (UD&PA) hnuaia Project hrang hrangte chu vawiin khan UD&PA Minister, Pu K. Sapdanga chuan a hmunah tlawhin an hmalaknate a enfiah a. Minister chuan Aizawl khawpui hmasawnna tur atana hmalakna tam zawkte chu a hun taka zawh hman an beisei thu a sawi a ni.
Minister chuan vawiin khan PWD hnuaia Solid Waste Mangement Center, Hualngohmun ami chu tlawh hmasa berin chumi hnu chuan MUDAL hnuaia Project pathum – Venghnuai-a Community Recreation Centre, Zemabawk-a Playground leh Dawrpui New Market-a City Centre te chu a tlawh zui a, hemi hnu hian Zodin-a Multi Level Car Parking chu a tlawh nghal bawk a ni.
Hualngohmuna Solid Waste Management Centre hnathawh mek hi SASCE 2021-2022 atanga thawh niin tun dinhmunah Physical Progress hi 74% a ni a, zawh fel thuai beisei a ni. Venghnuai-a Community Recreation Centre-ah hian Futsal, Badminton cum TT Hall leh Cricket Practice Pitch-te awm tura ruahman niin SASCI atanga Fund a ni a, tun dinhmunah hian an Physical Progress chu 92% a ni. Zemabawk-a Playground sak mek Physical Progress hi 93% niin kumin December thla tawpah chuan zawh hman beisei a ni a, Dawrpui-a City Centre sak mek hi nakum September thlah chuan zawh hman beisei a ni bawk. Zodin-a Multi Level Parking-ah hian floor 8 awmin four wheeler sawmkua leh pali (94) leng thei tura ruahman a ni a, chhawng chhung berah hian Cafeteria leh Cinema Hall awm tura ruahman niin thawktute chuan peih fel thuai an in beisei thu Minister hi an hrilh a ni.
