SIR – 2026 Neih Mekah Serchhip District-Ah BLO Ten In Tin Tlawh Chhuakin Enumeration Form Sem Hna An Kalpui Tan
Vawiin khan Serchhip District chhunga Booth Level Officer (BLO) te chuan bial hrang hrangah in tin tlawh chhuakin, Electoral Roll thar siamna atana inziahluhna tur ‘Enumeration Form’ sem hna an kalpui tan.
Tun dinhmunah Serchhip District Assembly Constituency pathum— 26-Serchhip (AC), 27-Tuikum (AC) leh 28-Hrangturzo (AC)-ahte hian Electoral Roll-a chuanglai mi 55,389 an awm mek a. Vawiin bikah hian heng constituency hrang hrang-ahte hian, Electoral Roll thar atana inziah luhna tur Enumeration Form 4,417 (7.97%) sem chhuah a ni.
