Siaha-ah DAJGUA Awareness & Benefit Saturation Camp kalpui chhunzawm zel a ni
Prime Minister Dharti Aaba Janjatiya Gram Utkarsh Abhiyan (PM-DAJGUA) peng pakhat Dharti Aaba Janbhagidari Abhiyan-Awareness & Benefit Saturation camp chu Siaha District-ah kalpui chhunzawm zel a ni. He Benefit Awareness & Saturation Camp in a tum ber chu India ram tribal mite dawmkanna tura sawrkar Laipui scheme leh programme awmte hrilh hria a, a dawngtu tur dik tak ten a nih dan tur taka an hman theihna tura an khuaa kalchilha service va pek a ni a, Siaha District-ah pawh chumi ruahmanna ang chuan khaw thlan chhuah 27 ah department hrang hrang aiawhten kalchilhin sawrkar scheme inhrilhhriatna bakah service pek theih awm te an pe zel dawn a ni.
Vawiin atana he campaign inkhawm hawnna chu Bazar shed, Kaochao-ah neih a ni a, APO Pi Galilee chuan kaihruaiin BDO Pu Manesia Khaimeichho chuan thusawi tawi a nei bawk. Line Department- 7 ; AH & Vety, Rural Development Department, Agriculture, Education Department, Women & Child Development Department, Information & Public Relations Department te leh DC office a Aarhaar branch ten thusawina an nei theuh a, zawhna leh chhanna hun hman a ni bawk a ni. Kaochao a he programme hman zawh hian vawiin vek khan Amobyu Vaihthie, Amobyu Beivaih leh Theiva ah neih chhunzawm a ni. Nimin lamah pawh he campaign hi Siata-I, Iana-II leh Chakhei-II ah neih a lo ni tawh bawk a ni.
Tarlan tawh angin Dharti Aaba Abhiyan- Benefit Awareness & Saturation Camp hi ram pumah June 15-30 chhunga neih tura ruahman a ni a, Hemi hun chhung hian Siaha District-a khaw thlan chhuah 27 ah kalchilhin he programme hi hman chhunzawm zel a ni dawn a ni.
