Serchhip-ah pm vishwakarma loan mela leh c&i hnuaia scheme hrang hrangte inhrilhhriatna hun hman a ni
Vawiin khan District Commerce & Industries Department, Serchhip leh Lead Bank te tangkawpin ‘PM Vishwakarma Loan Mela leh C&I Hnuaia Schemes Hrang Hrangte Inhrilhhriatna’ hun Serchhip Bazar-ah buatsaih a ni a. Serchhip District Commerce and Industries Officer Pi Lalchhanhimi leh Lead District Manager Pu Lalnghawrliana ten hun an hmanpui.
Vawiin hun hmannaah hian Serchhip khawpui leh a chhehvela kutthemthiam leh kuthnathawktu thahnemtak an kalkhawm a, bank hotute leh C&I department hotute hnen atangin hna thawh dan tur leh hamthatna dawn theih hrang hrangte ngaihthlak niin sawrkar Scheme hrang hrang – PMEGP, PMFME, PMVK leh loan hrang hrang awm theite chiang zawka inzirtirna neih a ni a.
Bank loan lak kawnga harsatna awm theite leh inziahluh (registration) chungchanga hriat thiam lohte zawhna leh chhanna hunte hman a ni bawk.
