National Human Rights Commission Special Monitor Dr. Poonam Malakondaiah in Mizoram a tlawh
Ni thum cham tura lo zin National Human Rights Commission Special Monitor Dr. Poonam Malakondaiah chuan vawiin khan Aizawl a thleng a. Women & Child Devlopment leh School Education lam hotuten an lo buaipui a ni.
National Human Rights Commission Special Monitor Dr. Poonam Malakondaiah hian Early Childhood Education lam thlur bingin, Anganwadi Center leh Elementary School kalpui dan a rawn bihchiang dawn a ni.
NHRC Special Monitor hian April ni 21, 2026 ah Saitual a tlawh anga; April ni 22 ah Reiek a tlawh ang. Heng hmunah te hian Anganwadi Center leh Primary/Middle School thenkhat a hmunah a tlawh dawn a. Zirna bultanna lam kalpui dan te, zirna in vawn thianghlim dan te, Midday Meal Scheme kalpui dan te, nutrition leh hrisel na lama an dinhmunte a enchiang dawn a ni.
Pi Lalzarmawii, IAS, Commissioner & Secretary leh Nodal Officer Pi Zonunthari, Joint Secretary, Social Welfare, Women & Child Development te kaihhruaina in Women & Child Development leh School Education lam hotute nen April ni 20,2026 tlaiah inkawm hona neih a ni a. Hetah hian Department pahnihten presentation pein Mizoram dinhmunte an lo hrilhfiah a. Mizoram chu early childhood education kalpui kawngah a titha pawl tak ni mah se, hmasawnna tur tamtak an la awm a, hmalak zel dan turte an sawiho a ni.
Dr. Poonam Malakondaiah hi Andhra Pradesh cadre IAS Officer pension niin July ni 30,2024 khan a retire a. National Human Rights Commission ah hian Special Monitor in January 2026 khan a thawk leh a ni.
