Mizoram Larsap-In Indian Institute Of Public Administration-A Apppa Course Training-Te Hmaah Thu A Sawi
Mizoram Larsap, General (Dr) Vijay Kumar Singh, PVSM, AVSM, YSM (Retd) chuan nimin khan Indian Institute of Public Administration, New Delhi tlawhin, Advanced Professional Programme in Public Administration (APPPA) course training mek officer-te hmaah thu a sawi.
Larsap General (Dr) Vijay Kumar Singh chuan ram venhim kawngah awmze nei taka tanrual a pawimawh thu sawiin, ram himna tichhe theite sawrkar anga hmachhawn turin a mal maia kal lova, ngaihtuahna thar leh thawh hona tha zawk hmanga hmachhawn a tul thu a sawi a. Ram tan anih dawn phawt chuan Sawrkar laipui hnuaia ministry atanga district administration thlengin lungrual leh inpawh tlang taka hmalak a ngaih thu a sawi bawk.
Larsap chuan PM Gati Shakti pawimawh zia tarlangin, Ministry hrang hrang, State leh local body-te inkara thawh hona felfai tak avangin hmasawnna ruhrel ataka hmuh theiha a awm thu sawiin, hei hian Sawrkar policy leh hmanraw neihte tha taka kalkawp tirin rah chhuah duhawm tak bakah, tul lova sum leh pai deh ral mai mai tur a ven thu a sawi a. Ram hmasawn nan hmalakna huapzo, kan zavaia telna leh tanhona kalpui a pawimawh a ti a. Ram ralmuang leh zalen siam turin inrintawnna, mawhphurhna intawm leh tan hona neih a tul thu a sawi bawk.
