Mamit District Bawrhsap in Temporary Shed vai liam
Vawiin khan DUDO Office-ah Pu Suvigya S Chandra District Bawrhsap chuan temporary shed (hawkers) chu Mamit khawpui chhunga tangkai taka hman turin a vai liam.
Pu Suvigya S Chandra, chuan DUDO Department te’n a vawikhatna atan Street Vendor shed (Hawkers) an buatsaih chu lawmawm a tih thu a sawi a, khawpui chhung pawh a tih mawihnai zawk a beisei thu a sawi a, thilzuartute pawhin uluk leh duat tak leh tangkai taka an hman a, an thil zawrhte tha takin hralh se a duhsak thu a sawi.
Pu Lalthuama, DUDO chuan report pe-in, temporary shed (Hawkers) hi Mizoram State Sorkar flagship programme, Bana kaih hnuaia District Catalytic Intervention Plan atangin Deputy Commissioner leh Project Director te kaltlangin Rs.16,35,315/- sengin 22 siam a ni a, heibakah hian UD&PA Directorate atangin DAY-NULM support to urban Street Vendors (SUSV) hnuaiah temporary shed (street vendors) 22, Rs 13,92,000 senga siam leh a ni. Tichuan a vaiin Mamit khawpui chhunga hman tur temporary shed hi 44 siam a ni.
Tempory shed (Hawkers) hi Mamit khawpui chhunga Village Council kaltlangin vengchhunga khawsak harsa zawkte’n leirem an lo rah theihna tur leh eizawnna ngialghet an neih theih nan a Mizoram Sawrkarin a ruahman a ni.
