Lungleiah District Water & Sanitation Mission (DWSM) an ṭhu khawm
Vawiin khan Lunglei District Water & Sanitation Mission (DWSM) chu Additional Deputy Commissioner Pi Zoramdini kaihhruaiin a hna thawh pindanah an ṭhu khawm.
He ṭhut khawmah hian PHED, RD, LAD leh I&PR official-te an tel a. Lunglei DWSM Member Secretary, PHED Lunglei Rural WATSAN Divison-a Sr Executive Engineer Dr ZR Ṭhasangzuala chuan thu ngaihtuah tur a sawi zau va. Bawlhhlawh sawngbawlna dan thar, Solid Waste Management Rules, 2026 zul zuia Supreme Court of India thupek bawhzuia bawlhhlawh sawngbawl leh thehthang kawnga hma lakna tur leh faina leh thianghlimna kawnga hmasawnna tur hrang hrangte sawi ho a ni.
He ṭhut khawmah hian felfai, thianghlim, him leh hrisel zawka bawlhhlawh thehthang a nih theih nana rawtna hrang hrang sawi ho a ni a. He’ng bawlhhlawh chi li – wet waste (ṭawih thei), dry waste (ṭawih thei lo leh hman nawn theih), sanitary waste (mihring thli) leh hazardous/special waste (damdawi, electric leh rawng lam chi) te thliar hran leh him zawka sawngbawl leh thehthang a nih theih nana PHED Lungleiin Lunglei District-a hma lak dan tur ruahmanna an duan chu thlir ho niin, pawm a ni a. A ṭul angin chak zawka bawhzui ni se, tih a ni.
