Larsap hovin NEC Plenary atana Mizoram inpuahchahna thlir ho
Vawiin tlai khan Lok Bhavan Conference Room-ah Larsap General (Dr) Vijay Kumar Singh, PVSM, AVSM, YSM (Retd) hovin June ni 4, 2026 (Ningani) a North Eastern Council (NEC) Plenary vawi 73-na, Shillong, Meghalaya neih tur atana Mizoram inpuahchahnate thlir ho a ni.
Larsap General (Dr) Vijay Kumar Singh chuan India hmar chhak state hrang hrangte hmasawnna Sawrkar laipuiin a dah pawimawh thu sawiin, Union Home Minister hova neih tur NEC Plenary-ah Mizoram hmalakna leh mamawhte tha taka thlen a nih theih nan line department hrang hrang hotute theihtawp chhuah turin a chah a ni.
He hunah hian NEC Plenary vawi 72-na, December, 2024-a Agartala, Tripura-a neiha Mizoram kaihhnawih hmalakna tura tih bawhzui a nih dante bakah NEC Plenary, Shillong atana inpuahchahnate Pu David Lalthantluanga, Secretary, Planning & Programme Implementation Department-in Powerpoint Presentation hmangin a sawi fiah a. Heng bakah hian NEC leh Ministry of DoNER hnuaia projects kalpui mek – NEC funded Projects, NESIDS (Roads), NESIDS (OTRI) leh PM-DevINE Projects – chungchangte sawi ho a ni a. Heng bakah hian NEC Plenary-a Mizoram hamthat nana thlen tur pawimawh hrang hrangte sawi ho a ni bawk.
Meeting-ah hian Pu Sudhir Kumar, Principal Secretary, GAD; Pu Udit Prakash Rai, Commissioner & Secretary, Cooperation Department; Pu Vinod P. Kavle, Commissioner & Secratary to Governor; Pu V. Lalsangliana, Commissioner & Secretary, Sports & Youth Services Department; Pi Ramdinliani, Secretary, Agriculture & Farmers’ Welfare; Pu David Lalthantluanga, Secretary, Planning & Programme Implementation Department; Pi Maria CT Zuali, Secretary, Horticulture Department; Dr. H. Lianzela, Secretary, Commerce & Industries Department, Dr. YLN Reddy, Secretary, Information & Communication Technology leh official pawimawh dangte an tel a ni.
