Khawzawl District hnuaia Elementary School-te tan Zirlaibu a thlawna semchhuah a ni
Tukin khan School Education Complex BRC Office kawt, Khawzawlah Khawzawl District hnuaia Elementary School-te tan Zirlaibu a thlawna semchhuahna hun chu Bawrhsap Pu K. Vanlalthiana’n a vailiam.
Inkhawm tawi neih niin Pu Francis Lalruattluanga, Sub-Divisional Education Officer, Dy. District Project Co-Ordinator Samagra Shiksha chuan a kaihruai a, Bawrhsap Pu K. Vanlalthiana chuan thu sawiin, Sawrkar hmalakna Zirlai bu a thlawna sem theih a ni chu lawmawm a tih baka District DEO leh a thawhpuite hmalak chakna azara a pe chhuak hma thei district an ni chu lawmawm a tih thu a sawi a, Naupang harsa zawkten zirna tha leh hmakhaw eng tak an neih phah ngei theih nan a duhsak thu sawiin motor kal chhuakte a vailiam a ni. Pu PC. Lallawma, Dy. District Project Co-Ordinator chuan lawmthu sawiin he hun hi a khar a ni.
Khawzawl District hnuaiah hian School hi cluster 7 a then niin, Khawzawl A – 3, Khawzawl B– 4, Khawhai -5, Sialhawk – 5, Rabung – 6, Puilo -3 leh Kawlkulh -3 niin a vai hian Primary School 40 leh Middle School 36 a awm a ni.
