International Day Against Drug Abuse & Illlicit Trafficking Day Siata khuaah hman a ni
District level Nasha Mukt Bharat Abhyan Siaha ,WADA, LWS Siaha leh Evangelical Church of maraland (ECM) Local Church Siata tangkawp buatsaih ‘International Day Against Drug Abuse & Illlicit Trafficking’ chu Siaha District a Siata khua, Buiring hall-ah hman a ni.
Pu J Pachunga chuan chawhnu hun kaihruaiin, Pu T Hrangtung chuan hunserh a hmang. Pu CH Beikhochhi, District level Master Trainner & Senior Treatment Superviser, NTEP chuan power point presentation neiin, Vawiin hun hman chhan leh ruihtheihthil/ ruihhlo awmzia, mihring tana harsatna a thlen dan, zirlai tana a hlauhawmna, ram hmelma a nih zia te sawiin tichhin ve miahlo turin kalkhawm mipui te a chah.
Ruihhlo hluar lutuk tiremna tura Khawtlang, Kohhran leh sawrkar mawhphurhna hrang hrang sawihona neih nghal bawk a ni.
