Himani Best Choice, 10,000 crore hlutna nei Edible Oil Brand chuan hmsawnna atan Pack thar leh Campaign thar a tlangzarh
Kum sawm chuang zet India rama edible oil market ah an chungnung zia an lantir hnuah , Emami Agrotech Ltd. siam leh hralh chhuah, Rs 10,000 Cr man edible oil brand Himani Best Choice (HBC) chuan brand identity packaging design thar, marketing communication leh product hrang hrang tihpunna hmangin a hmabak a pan mek a ni.
Packaging tih thar hian logo thar nalh tak, tunlai rawng palette, graphics danglam tak leh eitheih lam chi thar a rawn keng tel a, hei hian Himani Best Choice chu a variant pawimawh tak chi li Soyabean, Palm, Sunflower leh Kachchi Ghani Mustard Oil te inzawmna tilang in tunlai visual identity a pe a ni. Pack tih thar ah hian Central sorkar kaihhruaina ang in pack size a siam rem vek bawk a, consumer pouche, PET bottle, jar leh bulk container hrang hrangah te, tin leh jar te pawh a tel a ni. Pack tihthar hian brand logo hlui hriat lar tawh sa chu a rawn chhawmnung leh a, pack en nuam zawk leh tunlai zawk a rawn chhawpchhuak a ni.
Hmasawnna tura ruahmanna zau zawk kalpui mek zingah Himani Best Choice hian India ram pum a a market pawimawh tak takah flour leh besan product hrang hrang a tlangzarh avangin Foods segment ah a portfolio a tizau zel bawk. A tir ah chuan Multipurpose Maida (kg 50), Bakery Maida (kg 50), Atta (kg 50) leh Matar Besan (kg 30) te a tel a, institutional consumption te a huam ber a ni. Brand hian kum lo awm turah chuan ei tur chi hrang hrangah pawh insawrbing a, zawi zawi a tihpun a tum a ni.
Kum 2014 a tlangzarh Himani Best Choice hian India ram pumah hmun pawimawh tak a chang a, a bik takin Eastern, North leh Central India market ah dinhmun nghet tak a nei a ni. He brand hi West Bengal a Soyabean leh Palm Oil market a hmahruaitu a ni a, Odisha, Bihar, Jharkhand leh East Uttar Pradesh ah Palm Oil a pakhatna dinhmun a chelh a ni. Mizoramah pawh market hmahruaitu ni in market share 70% vel a nei a, hei hian brand chu market hrang hrang ah mipuiin an hriat lar zia a lantir a ni.
Brand tihthar chungchangah thusawi in Mr. Vibhash V. Agarwal, Director, Emami Group chuan, “Himani Best Choice hian tualchhung mipuite mamawh hriat thiamna leh quality tha tak pe chhuak tura inpe leh hmasawn zel tura ding a ni.
Brand hian cheng vaibelchhe 10,000 milestone a pelh mek lai hian consumer te nen a inzawmna tihchak zualna tur in hmasawnna strategy thar kan kalpui mek a ni.Hei hi brand identity thar, pack tunlai tak, communication campaign thar leh product zauhna tur kawnga ruahmanna a tel a ni. Consumer te’n Himani Best Choice a an rinna chu ala ngai reng nachungin, brand hian hmasawnna thar neih theih nan tunlai zawk, danglam bik leh hmalam hun atan a inpeih nan a ruahman a ni. Food segment a kan inrawlhna hi he hmasawnna kawng a ruahmanna a ni a, hei hian brand tan hmasawnna kawng thar a hawng dawn a ni.
Kan tum ber chu kum thum chhungin Himani Best Choice tan cheng vaibelchhe 1,000 business portfolio siam kan tum a, kum thum lo awm tur ah hian category hrang hrangah mamawh leh a tul dan ang zel a hmalakzel tum a ni.”
He hmasawnna hian market ah dinhmun nghet tak a siam chhunzawm zel avangin bung thar a rawn thlen tih a tilang a ni tiin a sawi.
