BHIM Payments App chuan ‘Tatkal NPS’ hmangin NPS account chu rang takin hawn theihna a pe
NPCI BHIM Services Limited (NBSL), National Payments Corporation of India (NPCI)-a pumhlun vek leh a hnuaia thawk company chuan, vawiin khan Tatkal NPS chu BHIM Payments App-ah hman theih tawh a nih thu a puang. Pension Fund Regulatory and Development Authority (PFRDA) chuan a lo hawn tawh Tatkal NPS hmang hian, user-te chuan branch-ah kal ngai lovin leh paper thar thehluh ngai lovin, app hmangin National Pension System (NPS) account chu step pathum chauh hmangin an hawn thei.
Account hawnna kalphung hian bank-in a nemngheh tawh KYC a hmang. Hmanruaitu (users) chuan an pian ni leh kum (date of birth) an ziak lut a, an bank account hman theih zinga pakhat an thlang ang a, UPI hmangin NPS-a an thawhlawm hmasa ber an pe ang. Tunah chuan State Bank of India, HDFC Bank, ICICI Bank, Axis Bank, IndusInd Bank leh Bank of Baroda account nei mite tan BHIM App-ah Tatkal NPS hman theih a ni tawh. A hnuah bank dang pawh belh zel a nih beisei a ni.
Ms.Lalitha Nataraj, NBSL Managing Director and CEO chuan a sawi: “UPI hi India mi maktaduai tam takte nèn ni tin sum khawihna nunphungah a lo tel tawh a. Tunah chuan NPS ang chi sum leh pai lam thil hman tangkai theihte hmuh theihna leh hman theihna tih zauh hi hun remchang thar a ni. BHIM-ah Tatkal NPS hian hman theihna kawng hmasa ber, a hman tan dan hi a awlsam zawk a, a chhan chu a phalna nei te chuan UPI app hmang ngeiin NPS account an hawng thei. Tatkal NPS hian a phalna nei te chu app hmangin NPS account hawn theihna a pe tawh a, chumi hmang chuan BHIM hian NPS thawhlawm pekna tihlawhtling mai lovin, NPS account hawnna lamah pawh tanpui thei turin a role a zauh ta.”
NPS hi PFRDA-in a enkawl, sum thawh tlem ngai pension scheme a ni. Thawhlawm pekte chu dan ang taka hna thawh pension fund manager-te’n market-a investment fund hrang hrangah an dah a, tax hamthatna pawh dan azirin hmang theih a ni. Tatkal NPS hian pension nei mipui tam zawk awm theihna tur, kum upa hunah pawh sum hmuhna him nei thei tura mi tinin an inbuatsaih theihna tur PFRDA thil tum chu a thlawp a ni.
Mr. S. Ramann, Chairperson, PFRDA chuan a sawi: “UPI hian India-a miin sum pek dan a thlak danglam tawh a; Tatkal NPS hian India-a mite pension hun atana an inbuatsaih dan pawh a thlak danglam thei. NPCI, bank-te leh UPI app-te nena kan thawhhona hmangin, click vawi thum chauh hmangin, a phalna nei citizen tinte chuan pension account an hawng thei. Kan thupui chu a chiang: Kum upa i nih hmain hausak rawh. He thuchah hi kawtthler tinah, khaw tinah leh India mi tin hnênah thleng duh kan ni.”
Kum 18 leh 85 inkara India mi citizen, a phalna nei chuan BHIM Payments App-a Tatkal NPS hmangin NPS account an hawng thei. Thawhlawm hmasa ber chu ₹250 a tlem ber a ni. A hnu-a thawhlawm pekte chu ₹10 atangin pek theih a ni, NPS dan leh a mamawh hrang hrangte zawm chungin.
Hman tan dan
BHIM Payments App hawn la, NPS thlang rawh.
I pian ni leh kum ziak lut la, i bank account thlang rawh.
I thawhlawm hmasa ber ₹250 aia tlem lo pe rawh.
NPS chungchang leh a zawm tur thumal leh dân (terms and conditions) chi hrang hrang hriat belh duh chuan, PFRDA official NPS resources-ah hian hman theih a ni.
