End commissioner in khawzawl tlawh | end-in khawzawlah heroin hawng 4 man
Vawiin khan Pu Z. Lalhmangaiha, Commissioner, Excise & Narcotics Department, Mizoram chuan Assistant Commissioner of Excise & Narcotics Department Office, Khawzawl tlawhin annual inspection a nei a, hetah hian office dinhmun enfiahna a neih bakah Staff-te nen inkawmhona leh infuihtharna hun an hmangho a ni.
END Commissioner chuan Khawzawl END-a thawkte chu harsatna an neih chuan inthlahrung lova a hnena thlen zel tura chahin a theihnaah chuan hma a lakpui zel dawn tih a sawi a. Sawrkar in END chu a ngaipawimawh tih sawiin Department pawhin hmasawnna an nei chho zel tih a sawi a, END Staff te pawh an hnathawhnaah mipuite tana rin ngama hna thawk turin a fuih a. Mizoram hmelma lian ber ruihhlo do hna thawktu an nihna inhre reng tur leh an hnathawhnaah khawtlang hruaitute leh tlawmngai pawlte nen thawhhona tha tak nei zel turin a chah a ni.
Assistant Commissioner of Excise & Narcotics Department Office, Khawzawl-ah hian tun dinhmunah Pu Joseph C. Lalhmangaihzuala, Assistant Commissioner bakah Enforcement Staff 7 leh 4th Grade 1, an vaiin Staff 9 an awm mek a. Tunah hian Staff dah belh turin sawrkarin hma la mekin, Constable 2 dah belh thuai tura hmalakna kalpui mek a ni.
Vawiina Commissioner in END Office, Khawzawl a tlawh lai hian NDPS case avanga Lock-up a tang mipa pakhat a awm mek a. Nimin khan END Khawzawl hian ruihhlo Heroin 44 grams (Hawng 4) leh a neitu an man a ni.
