Chief minister hovin school education department chungchang sawiho
Vawiin khan Chief Minister Pu Lalduhoma hovin Education Minister Dr. Vanlalthlana leh Education Department official te, Finance Department leh DP&AR official-ten Education Department thawktute dinhmun sawihona CM Conference Hall-ah an nei.
District Education Officer (DEO) leh Sub Divisional Education Officer (SDEO) post ruak tam lutuk tihziaawm dan sawiho a ni a. Circle Education Officer-te Sub Divisional Education Officer-a an kai chhoh ran theihna tur rawtna (proposal) awm mek chu a rang lama umzui tha an ti.
Mizoram Education Service rawtna (proposal) pawh Council of Ministers meeting-a chhawpchhuah theih thuai beisei a ni.
Hindi Education Officer, Adult Education Wing leh Physical Education Wing lama harsatna awmte pawh an sawiho a ni a. Hindi Education Officer hi direct recruitment kalpui a tul nia ngaih a ni.
Zirtirtu dinhmun tlangpui pawh tarlan a ni a, PPP mode-a school thenkhat kalpui chhoh tur chungchang te, school thenkhat zirlai naupang nei tlem lutukte chhunfin leh tihtawp chungchanga ruahmanna awmte pawh sawi a ni.
Sorkar hian school hrang hranga zirtirtu hi Primary-ah regular 671 lak phalna a pe tawh a, a tahtawla lak tur niin tun sorkar kum kal mekah 100 lak phawt tur a ni.
Middle School zirtirtu hi contract 544 lak phalna a pe tawh a, a tahtawla lak tur niin kuminah 212 lak phalsak an ni.
High School zirtirtu hi regular 107 lak phalna pek an ni a, a tahtawl bawka lak tur niin kuminah 57 lak phalsak an ni.
